القائمة الرئيسية

الصفحات

عاجل :

أخر الأخبار ع البدري الخميس 13-8-2020



 أخر الأخبار ع البدري 13-8-2020

الخميس 13-8-2020

■ الحكومة سمحت بفتح كل المحلات طيلة أيام الأسبوع بما فيها السبت والجمعه،

■ الحكومة سمحت بإقامة صلاة الجمعة في الساحات العامة والملاعب.

■ الحكومة مصرة ع تسكير صالات الأفراح وبيوت العزاء.

■ الحكومة بتناشد أهلنا في مناطق الـ 48 ما ييجوا ع الضفة.

■ الإحتلال سكر فتحة فرعون.

■ طيارات الإحتلال قصفت غزة اليوم الفجر.

■ حسب جهاز الإحصا: 31% من الشباب الفلسطينيين الذكور في سن العمل مش ملاقين شغل.

■ مفيش إصابات جديدة بفيروس كورونا في غزة.

■ وفاة طفل (8 سنوات) من الخليل بفيروس كورونا، وعدد الوفيات الإجمالي بكورونا 110 حالات.

■ تسجيل 499 إصابة جديدة بكورونا في فلسطين، وصار عدد الحالات المسجلة 20093.

■ في نابلس إمبارح العدد الرسمي للإصابات كان 4 حالات كورونا جديدة.

■ عدد حالات كورونا النشطة في نابلس 196 حالة.

■ مجموع حالات كورونا اللي سجلت في نابلس حتى الآن 645 حالة.

■ 345 حالة تعافي من كورونا سجلت إمبارح في الضفة الغربية.

■ إمبارح، سجلت 25 حالة تعافي من كورونا في نابلس.

■ 140 حالة كورونا جديدة في محافظة الخليل.

■ 219 حالة كورونا جديدة في محافظة القدس.

■ 21 مريض كورونا موجودين في غرف العناية المكثفة، و4 منهم ولا حالة ع جهاز تنفس إصطناعي.

■ 125 إصابة كورونا جديدة في القدس المحتلة خلال آخر 24 ساعة.

■ 211 وفاة و4187 إصابة كورونا بين الفلسطينيين في العالم.

■ قاضي شرعي بيت لحم إنصاب بكورونا، وسكروا المحكمة الشرعية في بيت لحم.

■ كمان سكروا دائرة السير في بيت لحم بعد ما إنصاب 3 موظفين فيها بكورونا.

■ وزارة الصحة رح تتسلم، اليوم 6 سيارات إسعاف حديثة من صندوق "وقفة عز".

■ تسجيل 20 إصابة جديدة بفيروس كورونا في الأردن، 16 منها محلية و4 من الخارج.

■ إصابة ممرضتين في مركز الحسين للسرطان في عمان بالأردن بكورونا.

■ ديروا بالكم في نصابين بسمي الواحد حاله طبيب أعشاب بس شغله نصب وأحتيال.

■ باحث من جامعة القدس عامل بحث بقول فيه أنه كان في ديناصورات في فلسطين في العصر الطباشيري قبل 125 مليون سنة.

■ إسماعيل هنية وصل تركيا قادم من قطر.

■ 3 كيلو بطاطا بلدية، بصل بـ 10 شيكل. كيلو بندورة، خيار، بيتنجان بـ 3 شيكل. كيلو الحامض 7 شيكل. كيلو فليفلة خضرا 5 شيكل. كيلو فلفل حر 3 شيكل. كيلو تفاح، عنب 8 شيكل. راس الزهرة 4- 5 شيكل. كيلو التومة 20 شيكل.

■ سعر صرف الدينار الأردني 4:91 شيكل.

■ اليوم الخميس، في كمان إرتفاع ع درجات الحرارة، والجو رح يكون شوب، والله أعلم.

- مش صباح الخير لسلطة النقد والبنوك وشركة الكهربا وشركة الإتصالات.
- مش صباح لكل واحد منافق يضمر غير اللي يظهره.
- مش صباح الخير لكل مسؤول خان الأمانة اللي أقسم عليها يمين.

- صباح الخير لكل الأسيرات والأسرى، والله يفك أسرهم، والله يشفي المرضى منهم.
- صباح الخير للناس الصابرة المحتسبة أمرها لله تعالى.
- صباح الخير للموظفين اللي الحكومة مش عم تجيب سيرة رواتبهم بالمرة.
-صباح الخير لكل واحد أمين ما بسرق ولا بختلس ولا برتشي.
- صباح الخير لكل واحد بدعي من قلب ورب ع الظالمين والمتجبرين والخونة والمنافقين.
- صباح الخير لكل الناس الحريصين ع إجراءات السلامة والوقاية عشان ما ينتشر الوباء.
- صباح الخير لأهل بلدنااا وفلسطين وربنا يحمي بلدنااا وفلسطين من كل داء ووباء وبلاء وغلاء
قولوا آمين...

reaction:

تعليقات